17 июл 15:18
Янгиликлар

Теннис

President's Cup. Сабина Шарипова ғалаба билан бошлади

Хабар берганимиздек, шу кунларда Қозоғистоннинг Нур-Султан шаҳрида теннис бўйича "Фьючерс" туркумига кирувчи турнир бўлиб ўтмоқда.

Соврин жамғармаси 80 000 АҚШ долларини ташкил қилувчи мусобақада ўзбекистонлик теннисчилар ҳам иштирок этяпти. Ҳамюртимиз Сабина Шарипова мусобақадаги иштирокини ғалаба билан бошлади.

Мамлакатимизнинг биринчи ракеткаси Сабина Шарипова илк давра учрашувида россиялик Полина Моновага қарши кортга чиқди. Турнирда тўртинчи рақам остида таснифланган Сабина рақибасини 6:4, 6:3 ҳисобида таслим этди. Шарипованинг иккинчи босқичдаги рақибаси беларуслик Ирина Шиманович бўлади.