Проф боксда мағлубиятсиз одимлаётган Шоҳжаҳон Абдуллаев кейинги жангини "Ҳумо Арена"да ўтказади (ПОСТЕР)

Оғир вазнли чарм қўлқоп устаси 14 ноябрь куни Тошкентдаги "Ҳумо Арена" мажмуасида ташкил этиладиган профессионал бокс оқшомида иштирок этади.

Маълум бўлишича, Абдуллаев турнир доирасида танзаниялик 33 ёшли Гутрам Нгояга қарши ригга чиқади.

Таъкидлаш жоиз, 23 яшар Шоҳжаҳон сўнгги жангини июль ойида Тошкентда ҳиндистонлик Гаурав Дуттга қарши ўтказиб, муддатидан аввал ғалаба қозонганди. У ҳозирга қадар 5 та жанг ўтказиб, барчасида рақибларидан устун келган. Гутрам Нгоя эса проф карьераси давомида ҳозиргача 15 та жанг ўтказиб, 13 ғалаба ва 2 та мағлубият қайд этган.