11 июл 17:33
Янгиликлар

Бокс/ММА

Профсор Роримша: "Мен - ўзбекман!"

Ёшлар ўртасида Осиё чемпионатида олтин медални қўлга киритган боксчимиз Профсор Роримша www.olamsport.com сайти меҳмони бўлди.

"Исмим Профсор, фамилиям Роримша. Ўзбекман. 1999 йилда Дубай шаҳрида туғилганман. Бухорода яшайман. Бухоро шаҳридаги Олимпия захиралари спорт коллежида ўқийман.

4 ёшимда Ўзбекистонга кўчиб келганман. Ўзбек тилини анчадан бери биламан. Кичик пайтимда уйда онам инглизча гапирсалар, мен аксинча ўзбек тилида жавоб берардим. Ўртоқларим билан ҳам ўзбекчада гаплашардим. Шу тариқа ўзбек тилини ўрганиб кетганман", - дейди Профсор.

Ёшлар ўртасидаги Осиё чемпионлари Профсор Роримша ва Лазизбек Муллажоновлар билан уюштирилган интервьюнинг тўлиқ қисми яқин орада сайтимизда чоп этилади. Айтганча, суҳбатимиз давомида Роримша ўзбек тилида қўшиқ ҳам куйлаб берди. Бу ҳам тез кунларда, OLAMSPORT.COM сайтида!