ПСЖ "Барселона" ишларига аралашди

"Diario Sport" хабарига кўра, сўнгги ҳафталар давомида француз клуби 31 ёшли ярим ҳимоячи билан музокараларни тезлаштирмоқда. Анча вақтдан буён Канте билан музокаралар олиб бораётган "Барселона" эса уни жамоанинг етакчиси сифатида жамоага таклиф қилмоқчи.

Жароҳати сабабли Канте қарор қабул қилишга шошилмаяпти. У январь ойида сафга қайтиши керак. У "Челси"да қолмаслигини, эркин агент сифатида жамоадан кетишини раҳбариятга айтиб қўйган. Бироқ "Барселона" мавсум якунигача кутишни, унинг ҳолатига эътибор беришни хоҳламоқда. 

Агарда у тўлиқ жисмоний ҳолатига қайта олса, "Барселона" футболчи билан шартнома имзолашга ҳаракат қилиб кўради. ПСЖ эса Кантени кўпроқ маъқул кўрмоқда.