Қайсери турниридаги теннисчиларимиз рақибларига йўлни курашсиз бўшатиб беришди

Ушбу мусобақада ўзбекистонлик икки теннисчи - Максим Шин ва Амир Милушевнинг ҳам иштирок этаётгани ҳақида хабар берган эдик. Қизиғи, мамлакатимизнинг учинчи ва тўртинчи ракеткалари рақибларига курашсиз йўлни бўшатиб беришди. Бунга жароҳат сабабми ёки бошқа омил, бизга бу маълум эмас.   

Амир Милушев 1/8 финалда туркиялик Биртан Дуранни 6/4, 6/3 ҳисобида мағлуб этганди. Лекин негадир бугун 1/4 финалда у яна бир мезбонлар вакили Арда Азкарага қарши кортга чиқмайдиган бўлибди. Арда курашсиз 1/2 финал иштирокчисига айланди. 

Ўзбекистоннинг учинчи ракеткаси ҳисобланган Максим Шин эса 1/8 финалда франциялик Пол Инчауспега қарши кортга чиқмади.