07 фев 11:20
Янгиликлар

Қиличбозлик

Қиличбозларимиз Болгариядаги турнирни муваффақиятли бошлашди

Хабар берганимиздек, бугун Болгариянинг София шаҳрида қиличбозлик бўйича халқаро мусобақа старт олди.

Сабля йўналишида ўтаётган турнирда эркаклар ўртасида ғолиб ва совриндорлар аниқлаб олинди.

Қувонарлиси, мусобақада иштирок этган 2 нафар ҳамюртимиз Шерзод Мамутов ва Пазилбек Генжебаев шоҳсупага кўтарилди. Мамутов барча беллашувларда ғалаба қозониб, мусобақанинг олтин медалига сазовор бўлган бўлса, Генжебаев бронза медали билан тақдирланди. Шу тариқа қорақалпоғистонлик спортчиларимиз қиличбозларимизнинг мавсумдаги илк ғалабасига муаллифлик қилишди. Эртага турнир доирасида аёллар ўртасида ғолиб ва совриндорлар аниқлаб олинади.