Қўл жанги бўйича Ўзбекистон кубоги якунланди + ФОТО

Гимнастика спорт саройида ўтказилган мамлакат кубоги баҳсларида Қорақалпоғистон Республикаси, барча вилоятлар ҳамда Тошкент шаҳридан 700 нафарга яқин қўл жанги усталари иштирок этди. 

Хабар берганимиздек, Ўзбекистон кубогида катталар ва қизлар 9 тадан, ўсмирлар 10 та, профессионал йўналишдаги қўл жанги усталари эса 4 та вазн тоифасида ғолиблик учун баҳс олиб боришди.

Якуний натижаларга кўра, катталар ўртасида 1-ўринни Ички ишлар вазирлиги қўл жанги усталари қўлга киритишди. Иккинчи ўрин Давлат хавфсизлик хизмати жамоасига насиб этган бўлса, кучли учликка Миллий гвардия спортчилари якун ясаб беришди.

Ўсмирлар ўртасида биринчи ўринни Андижон вилояти жамоаси эгаллади. Фарғоналик ўсмирлар иккинчи, Самарқанд вилояти қўл жанги вакиллари учинчи поғонадан жой олишди. Мусобақа якунида ғолиб ва совриндорлар медаль, диплом ҳамда эсдалик совғалари билан тақдирланишди.