"Қўшни"сини ютган Тимофеева Merida WTA 500 турнири асосий тўрига чиқди

Мамлакатимизнинг учинчи ракеткаси Мария Тимофеева мусобақанинг саралаш баҳсларида муваффақиятли иштирок этди. У саралашнинг 1/2 финалида аргентиналик Мартина Таборда Капуррони ортиқча қийинчиликсиз мағлубиятга учратганди - 6/4, 6/1. 

Мария тунда ўтказилган саралашнинг финал баҳсида ҳам зафар қучди. Тимофеева асосий тўрга йўлланма берган финал баҳсида яна бир аргентиналик теннисчи Мария Лурдес Карлни икки сетда ҳам бир хил ҳисобда таслим этди - 6/3, 6/3. 

Таққослаш учун, Тимофеева WTA рейтингида ён қўшнилар ҳисобланади. Вакиламиз 154, Карл эса 155-ўринни эгаллаб турибди. Энди Мария Тимофеева асосий тўрнинг илк даврасида польшалик Магдалена Френхга қарши кортга чиқади. Френх айни пайтда дунёнинг 57-ракеткаси бўлиб турибди. Тимофеева - Френх учрашуви бизнинг вақт билан эртага соат 21:00да бошланади.