12 дек 00:27
Янгиликлар
Бокс/ММА
Қойил! Жавоҳир Умматалиев Арлен Лопесни мағлубиятга учратиб, ЖЧ финалига йўл олди
Бирлашган Араб Амирликларининг Дубай шаҳрида бокс бўйича катталар ўртасидаги IBA Жаҳон чемпионати давом этмоқда.
Мусобақада -80 кг вазн тоифасида юртимиз шарафини ҳимоя қилаётган Жавоҳир Умматалиев ярим финалда икки карра Олимпиада чемпиони, Куба вакили Арлен Лопесга қарши рингга кўтарилди.
Жанг тўлиқ давом этди ва унда Жавоҳир Умматалиев 5:0 ҳисобида ғалабага эришиб, финалга йўл олди.
Эслатиб ўтамиз, Жавоҳир бунгача Сейшел Ороллари, Гаити, Қирғиз Республикаси ва Сербия боксчиларини мағлубиятга учратиб, ярим финалга қадар етиб келганди.
Энди боксчимиз финалда Россия ёки Испания вакилига қарши рингга кўтарилади.
Ҳавола :
Манба : olamsport.com
Фикрлар