Қойил! Усик Энтони Жошуани Жейк Пол билан жангга тайёрлайди

"Мени Усик жамоаси билан машғулотларга таклиф қилишди ва биз аллақачон ажойиб машғулотларни ўтказдик. У дунёдаги энг яхшилардан бири. Шунча нарсага эришган одам қандай ишлаши ҳақида тасаввурга эга бўлиш - бу феноменал ходиса. Бу ажойиб ва жуда мураккаб тажриба", - деди британиялик оғир вазнли боксчи бўлиб ўтган матбуот анжуманида.

Шунингдек, Жейк Полга қарши жангда 10 карра фаворит сифатида қаралаётган Жошуа ҳам бўлажак жангга жиддий ёндашишини ва рақибига паст баҳо бермаслигини маълум қилди.

"Мен бунга жиддий қарайман. У ғолиб ва психологик жиҳатдан кучли. Руҳий жиҳатдан у Тайсон Фьюридан кучлироқ. Шунинг учун, мен уни жиддий қабул қиламан ва тайёргарлик жараёнида ҳам, жангда ҳам унга муносиб ҳурмат кўрсатаман", - дея қўшимча қилди собиқ жаҳон чемпиони.

Жейк Пол ва Энтони Жошуа ўртасидаги бокс жанги 19 декабрь куни АҚШнинг Майамисида бўлиб ўтади ва Netflix платформаси орқали намойиш этилади. Жанг тўлалигича профессионал мақомда ўтади ва ҳар икки боксчининг рекордига натижа киритилади.