Қозоғистонда жанг санъати бўйича Осиё чемпионати ўтказилди

Бунинг оддий мисолини эса жорий йилнинг 3-6 апрель кунлари Қозоғистоннинг Чимкент шаҳрида миллий спорт туримиз бўлган Ўзбек жанг санъати (жанг санъати) бўйича ўсмирлар, ёшлар ва катталар ўртасида бўлиб ўтган Осиё чемпионатида спортчиларимизнинг энг кўп медалларни жамғаришганидан ҳам  билиш мумкин. Яна бир гап, мусобақада турли миллат викилларидан иборат ҳакамлар томонидан жанг санъати қоидалари соф ўзбек тилида жаранглагани —миллий спорт турларимиз дунё бўйлаб кенг ривожланаётгани, қадриятларимиз улуғланаётганидан  далолат. 

Ушбу чемпионатда Ҳиндистон, Жанубий Корея, Тожикистон,  Қирғизистон каби ўн бешдан ортиқ давлатлардан жам бўлган 1500 нафардан ортиқ спортчилар чемпионлик учун миллий урф —одатларимиз, қадриятларимиз мужассамлашган машқларни моҳирлик билан намойиш этишди. 

Чемпионат доирасида тантанали очилиш маросими ташкил этилди. 

Мазкур очилиш маросимида сўз олганлар ўзбек спортининг қитъаларо кенг ривожланаётгани,  ёшларнинг севимли спорт турига айланиб улгурганини, айниқса, миллий қадриятларимиз тимсоли акс этганини таъкидлаб, мусобақа иштирокчиларига омад тилашди. Шундан сўнг беллашувларга старт берилди.

Регламентига мувофиқ, мусобақанинг биринчи кунида 7 ёшдан 15 ёшгача бўлган ёш атлетлар "Жанг кураши" йўналиши бўйича кураш олиб боришган бўлишса, беллашувларнинг иккинчи кунида 16-17 ёш ва  катталар ўртасида "Темурийлар беллашуви" ҳамда "Кўргазмали чиқиш" йўналишларида ўзаро куч синашишди. 

Юқори савияда ва муросасиз ўтган мусобақанинг якуний натижаларига кўра, умумжамоа ҳисобида фахрли биринчи ўринни мамлакатимиз терма жамоаси қўлга киритди. Иккинчи ўринни мезбонлардан иборат терма жамоа эгаллаган бўлса, учинчи ўрин Қирғизистон ва Тожикистон спортчиларига насиб этди. 

Илҳом РАҲМОНОВ тайёрлади