Қозoғистондаги муштлашувда икки спортчи ҳалок бўлди

Қозоғистонлик журналист Эрбол Каиров ўзининг Телеграм-каналида Актобе шаҳрида содир бўлган воқеа муносабати билан қозоғистонлик ёш спортчиларга мурожаат қилди.

"Ҳурматли спортчилар! Келинг, келишмовчиликларга жиддий тус бермасликка ҳаракат қилайлик. Кеча Актобеда Инстаграмдаги жанжал туфайли икки нафар спортчимиз ҳалок бўлди. Бу истиқболли, келажаги бор ёш жангчилар эди. Яқинларимизга сабр тилаймиз.

Биз бир вақтлар "Қозоқ Тайсони" деб аталган Эрмек Сериков исмли боксчини йўқотдик. Тўқсончи йиллар эмас, 2000 йиллар ҳам эмас. Биз ҳозир учинчи ўн йилликдамиз. Келинг, келишмовчиликларни қонуний йўллар билан ҳал қилайлик. Мушт, пичоқ, қуролни унутайлик", - деб ёзади Каиров.

Маълумот учун, 3 январга ўтар кечаси Актобе шаҳрида муштлашув бўлиб ўтган ва унинг натижасида жанжалнинг тўрт нафар иштирокчиси пичоқланган эди.