Қозоғистондаги ярим марафонда икки иштирокчи ҳалок бўлди

Тез ёрдам келгунга қадар иккаласи ҳам вафот этган ва уларни жонлантиришнинг иложи бўлмаган.

Оққўян Ирсалиев ва Нурбол Аҳмади пойгаларнинг доимий иштирокчиси бўлиб, якшанба куни 21,1 км масофага кечган пойгада ҳам қатнашишган.

2021 йилдан буён пойгаларда мунтазам иштирок этиб келган 84 ёшли Ирсалиев биринчи километрда ҳушини йўқотди. Бир дақиқадан сўнг тез ёрдам машинаси етиб келди, бироқ унинг томир уриши йўқ эди ва уни жонлантириш имкони бўлмади. Шифокорнинг айтишича, ўлимнинг дастлабки сабаби ўпка эмболияси бўлган.

Иккинчи қурбон, 21 ёшли Аҳмади пойганинг 16-км масофасида йиқилиб, шифокорлар етиб келгунига қадар вафот этган. Дастлабки маълумотларга кўра, у ўпка эмболияси ва ўткир юрак етишмовчилиги туфайли бу оламни тарк этган.

Ташкилотчилар марҳумнинг яқинларига ҳамдардлик билдириб, уларнинг оила аъзоларига моддий ёрдам кўрсатишни режалаштиришаётганини айтишди.