04 апр 17:15
Янгиликлар

Қозоғистонлик боксчи 20-0 рекордга эга рақибини чуқур нокаутга учратди + ФОТО

Хабар берганимиздек, БААнинг Дубай шаҳрида профессионал бокс кечаси ташкил этилди.

Оқшом доирасидаги жангларнинг бирида қозоғистонлик Турсинбай Кулахмет (3-0, 2 KO) венесуэлалик тажрибали рақиб Эбер Рондон (20-1, 13 KO)га қарши рингга кўтарилди. Рондон проф рингда 20 та жанг ўтказиб, уларнинг барчасида ғалаба қозонган эди. Кулахмет эса учинчи жангини ўтказди.

Орадаги тафовутга қарамай, биринчи ўрта вазн тоифасида WBC International камари соҳиби бўлиб турган Турсинбай рақибини биринчи раунднинг ўзида чуқур нокаутга учратди. Аввалига унинг зарбасидан сўнг Эбер нокдаун бўлди. Кейинги қарама-қарши зарба эса жангга нуқта қўйди.