23 окт 10:52
Янгиликлар

Теннис

Қозоғистонлик теннисчи European Open турнири ғолиби!

Бельгиянинг Антверпен шаҳрида теннис бўйича нуфузли ATP турнири якунига етди.

European Open мусобақасининг бош соврини Александр Бубликка насиб этди. Дунёнинг 36-ракеткаси бўлиб келган қозоғистонлик теннисчи ҳал қилувчи финал учрашувида ATP рейтингида ўзидан икки поғона қуйида бораётган франциялик Артур Фисни икки сетда ҳам бир хил ҳисобда мағлубиятга учратди - 6/4, 6/4.

Теннисчиларнинг ўзаро илк расмий учрашуви 76 дақиқа давом этган. Бублик 11, Фис 6 та эйс зарбасини амалга оширган. Бу қозоғистонлик теннисчининг мавсумдаги иккинчи, фаолиятидаги учинчи ATP соврини бўлди. European Open турниридаги муваффақиятли иштирок Бубликка 250 рейтинг очкоси ҳамда 102,460 доллар мукофот пули келтирди.