Қозоғистонлик теннисчи Ньюпортда чемпион бўла олмади

Ҳал қилувчи финал учрашувида дунёнинг 15-ракеткаси, америкалик Жон Иснер рейтингнинг 83-поғонасидан жой олиб турган қозоғистонлик Александр Бубликка қарши кортга чиқди. 

Мезбон теннисчи 1 соату 15 дақиқа давом этган баҳсда рақибини 7/6(2), 6/3 ҳисобида мағлубиятга учратди. Бу теннисчиларнинг ўзаро илк учрашуви эди. Ньюпортдаги муваффақиятли иштирок Иснерга мавсумдаги биринчи, фаолиятидаги 15-соврин, 100 600 АҚШ доллари ҳамда 250 рейтинг очкосини тақдим этди.