26 май 12:04
Янгиликлар

Теннис

Қозоғистонлик теннисчи Нюрнберг турнири чемпиони бўлди

Германиянинг Нюренберг шаҳрида ўтказилаётган теннис бўйича нуфузли WTA турнири якунланди.

Ҳал қилувчи финал учрашувида қозоғистонлик Юлия Путинцева словениялик Тамара Зиданшекка қарши кортга чиқди. Икки соату 17 дақиқа давом этган баҳсда 24 ёшли Юлия 21 ёшли рақибасидан устун келди - 4/6, 6/4, 6/2.

Шу тариқа, дунё рейтингида 39-поғонадан жой олган Путинцева фаолиятидаги илк WTA совринини қўлга киритди. Nürnberger Versicherungscup мусобақасидаги муваффақиятли иштирок Юлияга 34 677 евро мукофот пули ҳамда 280 рейтинг очкосини тақдим этди.