16 фев 15:12
Янгиликлар

Теннис

Қозоғистонлик теннисчи Питерда бош соврин учун курашади

Бугун Россиянинг Санкт-Петербург шаҳрида ўтказилаётган нуфузли WTA турнири якунланади.

Ҳал қилувчи финал учрашувида қозоғистонлик Елена Рибакина нидерландиялик Кики Бертенсга қарши кортга чиқади. Дунёнинг 25-ракеткаси бўлиб турган Елена ярим финал баҳсида рейтингда ўзидан тўрт поғона юқорида турган грециялик Мария Саккарини 3/6, 7/5, 6/1 ҳисобида таслим этди.

Рибакина ва Саккари илк бор ўзаро расмий учрашувда тўқнаш келишди. St.Petersburg Ladies Trophy турнирининг иккинчи ярим финал учрашувида россиялик Екатерина Александрова нидерландиялик Кики Бертенсга ютқазиб қўйганди.