Қудратилло Абдуқаҳҳоровга кутилмаганда жанг беришди, у эртадан кейин рингга чиқади + ПОСТЕР

Эътиборга молик жиҳати шундаки, оқшомнинг марказий жанги Қудратилло Абдуқаҳҳоров иштирокида ўтказилади. Ҳамюртимиз мағлубият нималигини билмай келаётган россиялик Павел Сосулинга қарши рингга кўтарилади. 71 килограммгача бўлган вазн тоифасида ташкил этилаётган ушбу жанг 8 раунд этиб белгиланган. 

Маълумот учун, Папел Сосулин (8-0) проф рингда 8 та жанг ўтказиб, барчасида ғалаба қозонган. Сўнгги 6 ой ичида Москва, Серпухова ва Уфада ташкил этилган бокс оқшомларида зафар қучган. Абдуқаҳҳоров ҳисобида 20 ғалаба ва 3 мағлубият бор. Суперярим ўрта вазн тоифасидаги боксчимиз шу ойнинг бошида АҚШда грециялик Андрес Кацуракис (13-0-0)га ҳакамларнинг нотўғри қарори билан имкониятни бой бериб қўйганди.

Шунингдек, Кировдаги бокс турнирида яна бир ҳамюртимиз Бегали Қирғизбоев ҳам ўз жангини ўтказади. 92 кг вазн тоифасида ўтказиладиган 4 раундлик жангда унга россиялик Артем Цатурян рақиблик қилади.