25 июн 08:15
Янгиликлар

Теннис

Queen's Club. Карлос Алькараз финалда!

Дунёнинг иккинчи ракеткаси Карлос Алькараз фаолиятида илк бор майса қопламали турнир финалида ўйнайди.

Испаниялик теннисчи ATP рейтингида 32-поғонада бораётган америкалик Себастьян Кордани 6/3, 6/4 ҳисобларида мағлубиятга учратиб, Лондон турнири финалига йўл олди.

Карлос теннисчиларнинг ўзаро учрашувида олдинда бормоқда - 3:1. Бир соату 22 дақиқа давом этган баҳсда Алькараз 2, Корда 9 та эйс зарбани амалга оширган. Бугун у Queen's Club бош соврини учун австралиялик Алекс Де Минаурга қарши кортга чиқади. Ғолиб бўлган тақдирда яна дунёнинг биринчи ракеткасига айланиб олади.