RAF 10 тарози натижалари: Бекзод Абдураҳмонов, Хамзат Чимаев, Арман Царукян, "қария" Тони Фергюсон тарозига чиқди

Оқшомнинг асосий беллашуви оралиқ вазнда ўтказилади ва унда собиқ UFC чемпиони Хамзат Чимаев Диллон Дэнисга қарши гиламга чиқади. БАА шарафини ҳимоя қилаётган чеченистонлик аралаш яккакураш устаси 92.26 кг, унинг рақиби эса 92.99 кг вазн қайд этди. 

Аҳамияти жиҳатидан иккинчи муҳим жангда амалдаги ва собиқ UFC жангчилари Арман Царукян ҳамда Тони Фергюсон ўзаро кураш гиламида тўқнаш келади. Арман - 76.66, фахрий Тони эса 75.11 кг вазн кўрсатди. 

Биз учун аҳамиятлиси, Олимпия ўйинлари совриндори Бекзод Абдураҳмонов ҳам RAF 10 турнири кардида Киган О'Тулга қарши гиламга чиқади. Тарозида ҳамюртимиз рақибидан бирозгина оғирроқ чиқди - Киган 79.29, Абдураҳмонов 79.38 кг!

RAF 10 турнири тарози натижалари:

Хамзат Чимаев (92.26 кг) – Диллон Дэнис (92.99 кг)

Арман Царукян (76.66 кг) – Тони Фергюсон (75.11 кг)

Аарон Пико (72.48 кг) – Лэнс Палмер (72.30 кг)

Люсия Йепес (54.07 кг) – Кендра Райан (54.25 кг) – аёллар ўртасида минимал вазн вақтинчалик камари учун жанг

Остин ДеСанто (61.14 кг) – Рейньери Андреу (61.14 кг) – ўта енгил вазнда чемпионлик камари учун жанг

Хейден Зилмер (97.16 кг) – Ризабек Айтмухан (97.25 кг)

Себастьян Ривера (69.76 кг) – Хаджи Алиев (70.03 кг)

Киган О'Тул (79.29 кг) – Бекзод Абдураҳмонов (79.38 кг)

Эндрю Алайрез (65.59 кг) – Жейдин Айерман (65.59 кг)

Йонгер Бастида (109.41 кг) – Шамиль Шарипов (110.68 кг)

Арсен Арутюнян (61.24 кг) – Калеб Смит (61.14 кг)