Рафаэль дос Аньос Ислам Махачевдан норози

Аввалроқ Уайт Ислам Махачев коронавирусга чалинган Рафаэль Физиевнинг ўрнига дос Аньос билан жанг қилмоқчи эканлигини, аммо кейинчалик Махачев жангни рад этганлигини айтганди.

“Ҳақиқат ҳар доим юзага чиқади!”, — деб ёзади Аньос твиттерида UFC президентининг сўзларидан иқтибос келтириб.  

Ag Fight нашрига берган интервюсида собиқ UFC чемпиони Махачев билан ўз шартларига кўра жанг қилишга тайёрлигини айтди.

"Мен бу йигитнинг исмини тилга олишни ҳам хоҳламайман. Унинг қилган иши ҳақиқатан ҳам ҳурматсизлик эди. У интернетда жуда кўп гапирди. У ярим ўрта вазнда жанг қилишга тайёрлигини айтди. Аслида, мен аллақачон бу вазнда эдим ва унинг шартларига кўра жанг қилишга рози бўлдим. Лекин, у қочиб кетди.  Энди у умуман гапиришга лойиқ эмас.

Ислам ярим ўрта вазнда жанг қилишни таклиф қилди. Мен эса шунинг ўртасини танлагандим, лекин, якунда 77 килограммга рози бўлдим. Улар жавобни кечиктиришди. Эрталаб улар жангни қабул қилинганлигини айтишди. Мен нонуштага тайёр эдим. Аммо бир соатдан сўнг улар рад жавобини беришгани билдим ва вазн ҳайдашда давом этдим", - деди Аньос.

Эслатиб ўтамиз, Рафаэль дос Аньос ва Ренато Мойкано ўртасидаги жанг Тошкент вақти билан 6 март тонгида Лас-Вегасдаги UFC 272 турнирида бўлиб ўтади.