02 мар 07:14
Янгиликлар

Бокс/ММА

Рафаэль Дос Аньосга рақиб топилди. У Ислам Махачев эмас + ПОСТЕР

Енгил вазнда собиқ UFC чемпиони Рафаэль Дос Аньос жангига тўрт кун қолганида рақибсиз қолганди.

Қирғизистонлик Рафаэль Физиевнинг таҳлилида ковид аниқлангани боис узоқ кутилган жанг барбод бўлганди. UFC раҳбарияти қисқа муддатда Дос Аньосга янги рақиб топиб берди. Энди Рафаэль 5 март куни Лас-Вегас шаҳрида ўтказиладиган UFC 272 турнирида яна бир бразилиялик жангчи Ренато Мойканога қарши октагонга кўтарилади.

Фақат бразилияликлар ўртасидаги жанг 72.6 кг (160 фунт) вазн тоифасида ўтказилади. Собиқ ярим енгил вазн жангчиси ҳисобланган Мойкано 2020 йилда енгил вазнга ўтган эди. У ўзи учун янги вазнда иккита жанг ўтказди ва Жей Герберт ҳамда Александр Эрнандесни муддатидан аввал мағлуб этишни уддалади.

Таъкидлаш жоиз, Физиев сафдан чиққанидан сўнг "Атаман"нинг ўрнига жанг қилиш истагини Ислам Махачев ва Тони Фергюсон билдирган эди.