28 апр 09:11
Янгиликлар

Теннис

Рафаэль Надаль Барселонада мағлубиятга учради

Грунт қопламали турнирлар қироли ҳисобланган Рафаэль Надаль Барселонада давом этаётган турнирнинг финалига чиқа олмади.

Испаниялик теннис юлдузи ярим финал учрашувида австриялик Доминик Тимга имкониятни бой бериб қўйди. Рейтингнинг 5-поғонасидан жой эгаллаган 25 ёшли Тим 2 соату 4 дақиқа давом этган баҳсда дунёнинг иккинчи ракеткасини 6/4, 6/4 ҳисобида таслим этди.

Икки теннисчининг ўзаро учрашувларида ҳамон Надаль олдинда бормоқда - 8:4. Энди Доминик Тим Barcelona Open Banc Sabadell турнирининг финал учрашувида россиялик Даниил Медведевга қарши кортга чиқади.