07 июл 07:19
Янгиликлар

Теннис

Рафаэль Надаль Уимблдон турнирининг 1/8 финалига чиқди

Испаниялик теннис юлдузи Рафаэль Надаль Уимблдон турниридаги иштирокини давом эттирмоқда.

Сайёрамизнинг иккинчи ракеткаси учинчи давра учрашувида ATP рейтингида 72-поғонани эгаллаб туган франциялик 34 ёшли Жо-Вилфрид Цонгага қарши кортга чиқди ва рақибини 6/2, 6/3, 6/2 ҳисобида мағлуб этди. Рафа тўққизинчи маротаба Уимблдон турнирининг ушбу босқичига етиб келди.

Учрашув 1 соату 48 дақиқа давом этган. Ўзаро учрашувлардаги ҳисоб Надаль фойдасига янада йириклашди - 10:4. Энди 33 ёшли Рафаэль нимчорак финал баҳсида португалиялик Жоао Соуса ёки британиялик Дэниэль Эвансга қарши кортга чиқади.