15 апр 11:24
Янгиликлар

Теннис

Раҳимова Руан турниридаги иштирокини ғалаба билан бошлади

Франциянинг Руан шаҳрида теннис бўйича WTA 250 тоифасига кирувчи, мукофот жамғармаси 283,347 долларни ташкил этувчи турнир бўлиб ўтмоқда.

Мусобақада мамлакатимизнинг биринчи ракеткаси Камилла Раҳимова ҳам ўз маҳоратини намойиш этмоқда. Вакиламиз 1/16 финалда саралаш баҳслари орқали асосий тўрга етиб келган америкалик Элвина Калиевани 6/3, 7/6(1) ҳисобида мағлубиятга учратди.

Таққослаш учун, Раҳимова WTA рейтингида 74, Калиева 137-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Бир соату 52 дақиқа давом этган баҳсда Камилла 4, Элвина 5 та эйс зарбасини амалга оширди. Қўшхатолар Калиевада кўпроқ бўлди - 7 га 5.

Бугун Камилла Раҳимова 1/8 финалда дунёнинг 36-ракеткаси, АҚШ вакиласи Анн Лига қарши кортга чиқади. Ушбу учрашув бизнинг вақт билан соат 16:00да бошланади.