Раҳматжон Рўзиохунов Аҳмадалиев-Тапалес жанги ҳақида: «Дуранг эълон қилинса ҳам бўларди»

«Муроджонни жанги бўйича апеллация беришмоқчи. Чунки, жангда КАКА охирги раундларда устунлик қилган эди. Тўқнашувни қайта кўриб чиқишлари ва реванш жанги учун ҳаракат қилишмоқда. Промоутерлар билан гаплашдик. Тез кунларда бу масала аниқ бўлади деб ўйлайман. 

Бир жиҳатни таъкидлаш керакки, ушбу оқшомда биз меҳмон эдик. Шунинг учун бу жангни тенг курашлар остида ўтди деб ўйлаб, янгилик қилишмоқчи бўлишди, янги чемпион сифатида Тапалесни қўлини кўтаришди. Дуранг эълон қилинса ҳам бўларди. Ғалабани иккита ҳакам рақибга, битта ҳакам бизга берди. 

Муроджон сўнгги - чемпионлик раундларини ўз фойдасига ҳал қилган эди. Проф боксда аниқ зарбаларни ҳисоблаш керакда. Биз аниқ зарбалар сонини ҳисоблаб чиқдик. Тўғри, Аҳмадалиев ўзимизники бўлгани учун шундай кўриниши ҳам мумкин. Қаердадир биздан ҳам хатолар бўлгандир. Лекин биз учун КАКА ғалаба қозонган эди. Муроджон чемпион, иккита камар соҳиби, бу даражадаги жангда ғалабани бериб юбориш керак эмас эди», - деди Рўзиохунов Оlamsport.com сайтига берган интервьюсида.