Раҳматжон Рўзиохунов: "Аризамизни кўриб чиқишмаяпти"

-75 кг вазнли боксчимиз Саиджамшид Жафаров Таиланд вакили Випарон Жонгжохога қарши рингга чиқди. Жанг давомида катта устунликка эришган боксчимизга якунда ҳакамлар томонидан ғалаба берилмади. Терма жамоа мураббийи Раҳматжон Рўзиохунов бундай натижадан сўнг "ёрилди". 

"Ҳакамларнинг назоратчиси таиландлик эди. Мен биринчи раундда 3:2 берилганидаёқ билдим, ваҳоланки 5:0 ютаётгандик. Иккинчи раунд 3:2 ҳисобида рақибга берилди. Бу раундани ҳам ютгандик. Охирги раундда 4:1 ҳисобидаги ғалабани таиландликка беришди. 

Мен Марат акага мана бу таиландик юрибди, ҳаммасини ҳал қилиб ғалабани рақибга бериб юборишади дедим. Марат Галиевич - "Биз ютяпмиз, қандай қилиб бериб юборишади",- дедилар. Ҳа, биз ютяпмиз, лекин очкони бизга бермаяптику, бизни алдаб-алдаб учинчи раундда ҳал қиляпти. 

Яна қандай қилиш ишлаш керак? Қандай қилиб ютиш керак? Нима қилиш керак? Ҳасанбой ва Шаҳобиддинни жангида ҳам шундай қилишди. Ҳатто бизнинг "протест"имизни кўриб чиқишмаяпти. Одилжонни жангига протест бердик. Йўқ, 2:3 ҳисоби берилган, кўриб чиқилмайди дейишди. 

Ундай бўлса, бу чемпионатни умуман ўтказиш керак эмас. Нимага бизнинг жамоага бундай муносабатлигини ҳам билмайман. Биринчи кунданоқ етакчиларимизни чиқариб юборишди. Саиджамшид ютқагани йўқ. Кўпчилик протест ҳақида сўраяпти. Кўриб чиқилмаса нима кераги бор буни. 

Умумий 4 та жангимизда ҳакамлар ноҳақлик қилишди. Агар вазият шундай кетадиган бўлса, ярим финал, финал баҳслари энг осон жанглар бўлади. Энг кучсизлар чиқади ва чемпион бўлади", - деди Рўзиохунов.