17 май 07:30
Янгиликлар
Рамазондан кейин Эрон чемпионати қайта тикланади
Бу ҳақида Алишер Никимбаев ўзининг телеграмдаги саҳифаси орқали хабар берди.
"Мамлакат президенти Ҳасан Руҳоний шахсан шу ҳақида маълум қилган. Бу жуда жиддий баёнот ҳисобланади, чунки фақат кечанинг ўзида Эронда коронавирус инфекцияси билан касалланиш борасида 1757 та янги ҳолат ва 35 та ўлим ҳолати қайд қилинган.
Футбол чемпионати муқаддас Рамазон ойидан кейин тикланади, аммо ўйинлар бўш стадионларда ўтказилади, деди Руҳоний.
Мамлакат президенти бу ҳақда гапирса, демак, футбол Эронда муҳим сиёсий аҳамиятга эга ва расмийлар чемпиноатни қайта бошлаш орқали фуқароларнинг кайфиятини кўтармоқчи.
Бир ярим ой ичида мамлакат чемпионатининг якуний 9 та тур баҳслари ўтказилиши режалаштирилмоқда", - дейилади хабарда.
Фикрлар