Рақибсиз қолган Шамил Газиевга жангга уч кун қолганда янги рақиб топиб беришди

Аммо Спивак сафдан чиқди. Баҳрайн вакилининг бахтига уч кунлик огоҳлантириш билан доминиканлик Вальдо Кортес-Акоста Газиевга қарши октагонга чиқишга рози бўлди.

Вальдо Кортес-Акоста уч ҳафтадан камроқ вақт олдин жанг қилган ва биринчи раунддаёқ Анте Делияни нокаутга учратганди. Нокаутдан аввалроқ Анте рақибининг кўзига бармоғини суқиб олганди. Доминиканлик Акоста бундан аввалги жангида россиялик Сергей Павловичга очколар ҳисобига кўра ютқазиб қўйган эди. Бу билан у ўзининг бешта ғалабадан иборат сериясига барҳам берганди. Вальдо шу йилнинг июнида кеча сафдан чиққан Сергей Спивак устидан зафар қучган эди. 

Маълумот учун, Шамиль Газиев икки ғалабали серия билан келмоқда. У ДонТэл Майсани очколар, Томас Петерсенни эса техник нокаут эвазига мағлубиятга учратган. Айни пайтда Вальдо Кортес-Акоста UFC оғир вазн тоифаси рейтингида олтинчи, Шамиль Газиев эса ўн биринчи ўринни эгаллаб турибди.