Расман. Деонтей Уайлдер реванш жангида рингга чиқади

Бу маълумотни жаҳон чемпионининг ўзи ижтимоий тармоқдаги саҳифаларида тасдиқлади. Уайлдер кубалик Луис Ортисга қарши реванш жангида рингга кўтарилади. 

"Барча мухлисларимга муҳим хабарни эълон қилмоқчиман. Кейинги жангим Луис Ортисга қарши бўлиб ўтади. Биз иккимиз ҳам реванш жанги шартномасига имзо чекдик. Жой манзили ва санаси тез кунда эълон қилинади", - дея Твиттер саҳифасида хабар қолдирган Уайлдер. 

Эслатиб ўтамиз, Уайлдер ва Ортис ўртасидаги илк жанг 2018 йилнинг март ойида ўтказилганди. Еттинчи раундда Деонтей нокдаун ҳолатига тушиб қолган ва зўр-базўр нокаутдан чиқиб кетганди. Ўнинчи раундда эса иккита нокдаундан сўнг рефери жангни тўхтатиб, Уайлдернинг ғалабасини таъминлаган эди. Ўшанда Деонтейнинг гонорари 2,5 млн, Ортисники эса 500 000 долларни ташкил қилганди.

Los Angeles Times нашри томонидан берилган, лекин тасдиқланмаган маълумотларга қараганда, реванш жанги сентябрь ойида Лос-Анжелес шаҳрида бўлиб ўтади. Ҳозирча Staples Center аренасида 7 ва 28 сентябрь кунлари бўш турибди.