09 авг 11:14
Янгиликлар

Бокс/ММА

Расман: Фёдор Емельяненконинг жанги тасдиқланди

ММА афсонаси Фёдор Емельяненконинг навбатдаги жанги расман ташкилотчилар томонидан тасдиқланди ва эълон қилинди.

Фёдор Bellator промоушени томонидан ташкил этилаётган турнирда Тимоти Жонсонга қарши октагонга кўтарилади. Бу ҳақида ташкилотнинг расмий Твиттер саҳифасида хабар берилди.

"Фёдор қайтди! Сўнгги император Тимоти Жонсонга қарши... шанба, 23 октябрь, ВТБ Арена", – дейилади расмий баёнотда.

Бу маълумотни Bellator президенти Скотт Коккер ҳам тасдиқлади. Жуда катта эҳтимол билан бу Емельяненконинг фаолиятидаги сўнгги, хайрлашув жанги бўлади. Лекин унинг Bellator билан яна иккита жанг учун имзоланган шартномаси бор.