13 сен 11:59
Янгиликлар
Бокс/ММА
Расман! Гегард Мусаси – Дуглас Лима чемпионлик жанги тасдиқланди
АҚШнинг Анкасвилль шаҳри 29 октябрь куни аралаш яккакураш қоидалари бўйича Bellator 250 турнирига мезбонлик қилади.
Оқшомнинг марказий жанги ўрта вазн тоифасида Гегард Мусаси ва Дуглас Лима ўртасида ўтказилади. Жангчилар Bellator чемпионлик камари учун октагонга кўтарилишади.
Аслида ўрта вазн тоифасидаги чемпионлик камари Рафаэль Ловатога тегишли эди. Лекин унда жуда кам учрайдиган бош мия касаллиги аниқлангани боис чемпионлик камари вакант, яъни эгасиз дея эълон қилинганди.
Маълумот учун, Мусаси аввал ҳам ўрта вазнда Bellator чемпиони бўлган. Лима эса ўтган йили Рори Макдональдни мағлуб этиб, ярим ўрта вазнда Bellator Гран-приси ғолибига айланган эди.
Ҳавола :
Фикрлар