28 ноя 08:04
Янгиликлар

Бокс/ММА

Расман. Ислам Махачевнинг навбатдаги жанг санаси ва рақиби маълум

Россиялик таниқли UFC жангчиси Ислам Махачев навбатдаги жангини 2022 йилнинг 27 февраль куни ўтказадиган бўлди.

Хабиб Нурмагомедовга издош сифатида қаралаётган Махачевнинг рақиби UFC енгил вазн тоифаси рейтингида учинчи ўринни эгаллаб турган Бенеил Дариуш бўлади.

Эслатиб ўтамиз, Махачев сўнгги жангида Дэн Хукерни биринчи раундда мағлубиятга учратган эди. Бу Махачев учун ММАдаги 22-жангидаги 21-ғалабаси бўлганди. Дэн Хукер эса 32-жангидаги 11-мағлубиятини қабул қилиб олганди.

Россиялик чемпионлик жанги учун даъвогарлик қилмоқда. Унинг ғалабали серияси 9 та жангдан иборат. Ислам фаолиятидаги ягона мағлубиятни 2015 йилда қабул қилиб олган. Дариуш эса сўнгги жангида шу йилнинг май ойида Тони Фергюсондан устун келган эди.