08 дек 12:48
Янгиликлар
Бокс/ММА
Расман. Ковалёв - Альварес 2 жангининг қачон ўтказилиши маълум
Профессионал бокснинг ярим оғир вазн тоифасида собиқ жаҳон чемпиони Сергей Ковалёв Элейдер Альваресдан реванш олишга уриниб кўради.
Россиялик боксчи 2 февраль куни АҚШнинг Техас шаҳри Фриско шаҳрида амалдаги WBO чемпиони Элейдер Альваресга қарши рингга кўтарилади. Бу маълумотни Top Rank промоутерлик компанияси расман тасдиқлади.
Эслатиб ўтамиз, бу икки боксчи ўртасидаги илк жанг шу йилнинг август ойида ўтказилганди. Ўшанда Альварес WBO чемпиони бўлиб турган Ковалёвни еттинчи раундда техник нокаутга учратиб, ўз ғалабасини тантана қилган эди.
Маълумот учун, Сергей Ковалёв ўзбекистонлик мураббий Аброр Турсунпўлатов қўл остида ўз машғулотларини ўтказиб келади. Бу мутахассис Фазлиддин Ғоибназаровнинг мураббийи ҳисобланади.
Ҳавола :
Фикрлар