Расман. Matchroom Теремоана билан шартнома имзолади, у Муроджон Аҳмадалиев билан бир оқшомда жанг қилади

Сиднейда туғилган 26 ёшли боксчи янги ташкилот билан ҳамкорликдаги илк жангини 14 декабрь куни Монте-Карлода ташкил этиладиган бокс оқшоми доирасида ўтказади. Унга ким рақиблик қилиши ҳозирча номаълум.

Маълумот ўрнида, Жуниор 2020-2022 йиллар давомида профессионал рингда тўртта жанг ўтказиб, барчасида ғалаба қозонган.

У ҳаваскор боксдаги кичик фаолияти давомида ўзбекистонлик икки карра Олимпия ўйинлари чемпиони Баҳодир Жалолов билан икки бор тўқнаш келган ва ҳар икки жангда мағлуб бўлган.

Монте-Карлода ўтказиладиган бокс оқшомининг иккинчи асосий жангида ҳамюртимиз, Matchroom билан ҳамкорликдаги собиқ Жаҳон чемпиони Муроджон Аҳмадалиев рингга кўтарилади.