17 апр 10:27
Янгиликлар

Бокс/ММА

Расман: Мовсар Евлоев Брайс Митчеллга қарши жанг қилади

Мовсар Евлоевнинг навбатдаги жанги тафсилотлари маълум бўлди.

Ўта енгил вазн тоифасида россиялик UFC жангчиси Мовсар Евлоев (16-0) навбатдаги жангини қачон ва кимга қарши ўтказиши маълум бўлди.

Унга кўра, рус жангчиси 7 май куни америкалик Брайс Митчеллга (15-1) қарши октагонга кўтарилади. Жанг Нью-Жерсида, UFC 288 турнири доирасида ўтказилади.

Аслида Митчелл 7 май куни ҳамюрти Жонатан Пирс (14-4) билан жанг қилиши керак эди. Аммо Пирс жароҳат олгани боис унинг ўрнини Евлоев эгаллади. Аслида Митчелл ва Евлоев жанги ўтган йилнинг май ойида ташкиллаштирилган эди. Лекин ўша пайтда Мовсарнинг жароҳати жангнинг бекор қилинишига сабаб бўлган эди.

Эслатиб ўтамиз, UFС 288 турнирининг марказий жанги энг енгил вазн чемпиони Алжемейн Стерлинг ҳамда икки вазнда собиқ чемпион Генри Сехудо ўртасида бўлиб ўтади.