Расман. Шоҳжаҳон Эргашев Жукембаев эмас, Шаҳрам Ғиёсовнинг собиқ рақиби билан жанг қиладиган бўлди + ПОСТЕР

Аслида, турнирнинг асосий баҳсида ўзбекистонлик профессионал боксчи, IBF камари учун собиқ даъвогар Шоҳжаҳон Эргашев Қозоғистон вакили Батир Жукембаевга қарши рингга кўтарилиши керак эди.

Бироқ Жукембаев билан боғлиқ сабабларга кўра ушбу жангни амалга оширишга бўлган икки уриниш ҳам муваффақиятсизликка учради. Энди унинг ўрнига россиялик Марк Урванов Шоҳжаҳон Эргашевга рақиблик қилади.

Эргашев профессионал фаолияти давомида 28 та жанг ўтказиб, 26 ғалаба ва 2 мағлубият қайд этган. Урванов ҳисобида эса 26 та ғалаба, 8 та мағлубият ва 2 та дуранг бор. У ўтган йилнинг июль ойида Хуршидбек Расулжонов, ноябрь ойида эса Шаҳрам Ғиёсов билан жанг қилиб, ҳар иккисида мағлубиятга учраган эди.