Расмий хабар: Шоҳбоз Умаров БАТЭ билан шартнома тузди

Музокаралар деярли якунланиб қолгани ҳақда кеча сайтимизда хабар берган эдик.

21 ёшли футболчи БАТЭ сафига иккинчи трансфер ойнаси вақтида (15-28 сентябрь) кўчиб ўтиши мумкин. Шундай бўлса Умаров клуб сафида Европа лигасининг янги мавсумида иштирок этади. Агар БАТЭ бу опцияни фаоллаштирмаса ҳамюртимиз янги клуби сафига 1 январь куни қўшилади. Бу ҳақда БАТЭ клуби расмий сайти хабар берди.

Шоҳбоз Умаров 1999 йил 9 март куни Бўка шаҳрида туғилган. "Пахтакор" клуби мактаби тарбияланувчиси. Биринчи мураббийи - Руслан Алимович Гамадеев. Бу мавсум Умаров "Энергетик-БГУ" сафида ҳозирга қадар 17та ўйинда майдонга тушди ва 2та гол урди.

Маълумот учун, БАТЭ клуби 1996 йил ташкил топган ва 15 карра мамлакат чемпиони, 4 марта мамлакат кубоги соҳиби ва 7 марта Беларусь Суперкубоги соҳиби бўлган.