25 июл 14:48
Янгиликлар
Футбол
"Реал" 19 ёшли футболчи учун 100 млн евро тўлашга тайёр
Мадриднинг "Реал" клуби "Бавария" вингери Майкл Олисега муқобил вариант сифатида қаралаётган "Лейпциг"нинг қанот ҳужумчиси Ян Диомандега қизиқиш билдирмоқда.
Бу ҳақда "Bild" нашрига таяниб "Sport.es" хабар бермоқда.
Манба маълумотига кўра, "қаймоқранглилар" 19 ёшли футболчи учун 100 миллион евро тўлашга тайёр. Бироқ "буқалар" Диомандeни 120 миллион еврога баҳоламоқда. Кот-д'Ивуарлик ўйинчи учун курашда "Реал"га "Ливерпуль", "Арсенал", "Манчестер Сити" ва ПСЖ клублари рақобат туғдирмоқда. Шу билан бирга, Париж жамоаси ҳужумчининг ўзи билан келишувга эришиб бўлган.
Якунланган мавсумда Диомандe барча турнирларда 36 та ўйинда майдонга тушиб, 13 та гол ва 10 та голли узатмани ўз ҳисобига ёзиб қўйди. Футболчининг клуб билан амалдаги шартномаси 2030 йилнинг ёзигача мўлжалланган. "Transfermarkt" портали маълумотига кўра, футболчининг бозор қиймати 90 миллион еврони ташкил этади.
Ҳавола :
Манба : championat.asia
Фикрлар