21 фев 09:29
Янгиликлар

Теннис

Рибакина бу сафар Плишковага чиқиш эшикларини кўрсатди

Дунёнинг 19-ракеткаси Елена Рибакина номдор теннисчиларни мағлуб этишда давом этмоқда.

Қозоғистонлик теннисчи бу сафар Дубай турнирининг чорак финалида сайёрамизнинг учинчи рақамли теннис маликаси чехиялик Каролина Плишковадан устун келди - 7/6(1), 6/3. Бир соату 41 дақиқа давом этган баҳсда Елена 11 та эйс зарбасини амалга оширди.

Бу теннисчиларнинг ўзаро илк учрашуви эди. Жорий мавсум ҳисобидан энг кўп ғалабага эришган Еленанинг Dubai Duty Free Championships ярим финалдаги рақибаси хорватиялик Петра Мартич бўлади. Петра чорак финалда эстониялик Анетт Контавейтдан устун келди.