Рико Верхувен рефери қароридан шикоят қилиш эҳтимоли ҳақидаги саволга жавоб берди

"Улар гонгдан кейин жангни тўхтатишди. Менимча, биз апелляция беришимиз мумкин, чунки бунинг умуман мантиғи йўқ.

Рефери аралашган пайтда менда ҳеч қандай “шок” ёки шунга ўхшаш ҳолат йўқ эди. Мен шунчаки унга қараб: “Нега тўхтатаётганингни тушунмадим, ахир деярли охирига етиб келгандик”, деб ўйладим. Мен учун бу ғалати бўлди.

Рефери буни тушуниши керак. Албатта, хатолар бўлади, лекин у ўз хатосини тан олиши лозим. Вазиятни қайта кўриб чиқиб, ё жангни бўлмаган деб эълон қилиши, ёки ҳакамлар қайдномасига мурожаат қилиши керак. Агар очколар ҳисобланганида, мен олдинда эдим", — деди Верхувен Boxing News’га.