25 апр 15:15
Янгиликлар

Бокс/ММА

Рико Верхувен: "Усик билан жангда тарихни қайта ёзаман"

Glory’нинг оғир вазндаги собиқ кўп йиллик чемпиони, нидерландиялик машҳур кикбоксчи Рико Верхувен бокс қоидалари асосида Александр Усикка қарши ўтказиладиган жанги ҳақида гапирди.

Ушбу жанг 23 май куни Мисрнинг Гиза эҳромлари фонида бўлиб ўтади ва ўртага супероғир вазн тоифасида Усикка тегишли бўлиб турган WBC чемпионлик камари қўйилади.

"Усик билан жанг - бу 100 фоизга менинг боксчилик фаолиятимнинг бошланиши, холос. Мен бу ерга боксчи бўлиб қолиш учун келдим ва бу жанг айсбергнинг чўққиси, бу фақат бошланиши, холос. Яна нимага эришмоқчиман? Мен бундан кейин нима бўлишини ўйламаяпман. Александр билан жангдан кейин нима бўлади? Енгилмас бўлиб қоламан. Аммо ҳозир мен фақат олдинда турган вазифага эътибор қаратяпман, бу эса Александр Усик! Кўрамиз, кейин нима бўларкин. Мен учун ҳозир энг муҳими - тарихни қайта ёзиш", - дея Верхувеннинг сўзларини келтиради The Ring журнали.