16 май 09:07
Янгиликлар

Теннис

Рим "Мастерс". Карлос Алькараз 135-ракеткага ютқазиб қўйди

Дунёнинг иккинчи ракеткаси бўлиб турган Карлос Алькараз Рим "Мастерс" турниридаги иштирокини эрта якунлади.

Шунга қарамай, у келаси душанба куни эълон қилинадиган рейтингда дунёнинг биринчи рақамли теннисчисига айланади. Испаниялик учинчи даврада ATP рейтингининг 135-поғонасида бораётган венгриялик Фабиан Марожанга 3/6, 6/7(4) ҳисобида имкониятни бой бериб қўйди.

Теннисчилар кортда 102 дақиқа ҳаракат қилишган. Бу уларнинг илк расмий учрашуви эди. Алькараз 5, Марожан 2 та эйс зарбасини амалга оширган. Энди венгер теннисчиси тўртинчи босқичда хорватиялик Борна Чоричга қарши кортга чиқади.