18 сен 13:46
Янгиликлар

Теннис

Рим "Мастерс". Нишикори 249-ракеткага ютқазиб қўйди

Япониялик теннисчи Кеи Нишикори Рим "Мастерс" турниридаги иштирокини якунлади.

Дунёнинг 35-ракеткаси кутилмаганда иккинчи давра учрашувида рейтингнинг 249-поғонасидан жой олган италиялик Лоренцо Музеттига имкониятни бой бериб қўйди - 3/6, 4/6. Учрашув 102 дақиқа давом этган.

Бу теннисчиларнинг ўзаро ўтказган илк учрашуви эди. Энди 18 ёшли Лоренцо Internazionali BNL d'Italia турнирининг 1/8 финалида франциялик Гаэль Монфисни мусобақадлан чиқариб юборган германиялик Доминик Кёпферга қарши кортга чиқади.

Таъкидлаш жоиз, Лоренцо 1991 йилдан буён ушбу турнирнинг 1/8 финалига етиб келган энг ёш теннисчига айланди. Бундан 29 йил аввал ушбу натижага франциялик Фабрис Санторо эришганди.