18 май 10:31
Янгиликлар

Теннис

Рим WTA 1000. Амалдаги чемпион 1/4 финални якунига етказа олмади

Дунёнинг биринчи рақамли теннис маликаси Ига Свёнтек Рим турниридаги иштирокини якунлади.

Польшалик теннисчи қозоғистонлик Елена Рибакинага қарши ўтказилган баҳснинг ҳал қилувчи учинчи сети тўртинчи геймидан кейин курашни давом эттира олмаслигини маълум қилди. Бунга Иганинг жароҳати сабаб бўлган.

Теннисчилар биттадан сетни ўз фойдаларига ҳал қилишди. Учинчи сетда 2:2 ҳисоби кузатилаётган бир пайтда Свёнтекнинг жароҳати панд берган. Энди Елена 1/2 финалда латвиялик Елена Остапенкога қарши кортга чиқади.

Маълумот учун, мусобақанинг умумий мукофот жамғармаси 3,5 миллион еврони ташкил қилади. Айнан Свёнтек турнирнинг амалдаги чемпиони эди.