07 авг 20:09
Янгиликлар

Бокс/ММА

Рио-де-Жанейродаги UFC турнирининг асосий жанги тасдиқланди + ПОСТЕР

12 октябрь куни Бразилиянинг Рио-де-Жанейро шаҳрида UFC Fight Night турнири ўтказилади.

Промоушен матбуот хизмати ушбу оқшомнинг асосий жангини эълон қилди. Беш раундга мўлжалланган жангда озарбайжонлик Рафаэль Физиев енгил вазнннинг собиқ бразилиялик чемпиони Чарльз Оливейрага қарши октагонга чиқади.

Таққослаш учун, Оливейра айни пайтда енгил вазн UFC рейтингида тўртинчи, Физиев эса 11-ўринни эгаллаб турибди. Физиев охирги жангини 21 июнь куни Бокудаги UFC Fight Night турнири доирасида Игнасио Бахамондесга қарши ўтказиб ғалаба қозонганди. Оливейра эса UFC 317 турнирида Илия Топурияга нокаут билан ютқазганди.

Рафаэль Физиев ММАда 17 та жанг ўтказган бўлиб, 13 ғалаба ва 4 мағлубият қайд этган. Тажрибали Чарльз Оливейра ҳисобида эса 35 ғалаба ва 11 мағлубият бор. Унинг иштирокидаги битта жанг ўтказилмаган деб топилганди.