09 авг 11:17
Янгиликлар

Теннис

Rogers Cup. Каролина Плишкованинг юриши давом этмоқда

Канаданинг Торонто шаҳрида теннис бўйича “Премьер” тоифасига кирувчи нуфузли WTA турнири ўтказилмоқда.

Сайёрамизнинг учинчи рақамли теннис маликаси Каролина Плишкова турнирдаги иккинчи ғалабасига эришди. Чехиялик теннисчи учинчи давра учрашувида эстониялик Анетт Контавейтга қарши кортга чиқди.

27 ёшли Плишкова рейтингнинг 19-поғонасида бораётган рақибасини 1 соату 18 дақиқа давом этган баҳс якунида 6/3, 7/5 ҳисобида таслим этди. Икки теннисчининг ўзаро учрашувларидаги ҳисоб йириклашди - 3:0. Каролина Rogers Cup 1/4 финалида канадалик Бьянка Андреескуга қарши баҳс олиб боради.