07 авг 15:00
Янгиликлар

Теннис

Rogers Cup. Ник Киргиос стартдаёқ ютқазиб қўйди

Дунёнинг 27-ракеткаси австралиялик Ник Киргиос Монреаль "Мастерс" турнирининг илк даврасидаёқ мағлубият аламини тотиб кўрди.

Яшил қитъа вакили 1 соату 7 дақиқа давом этган баҳсда рейтингнинг 33-поғонасидан жой олиб турган британиялик Кайл Эдмундга имкониятни бой берди - 3/6, 4/6.

Ник 9, Кайл эса 15 та эйс зарбасини амалга оширди. Теннисчиларнинг ўзаро учрашувларидаги ҳисоби тенглашди - 1:1. Энди Эдмунд Rogers Cup турнирининг иккинчи босқичида россиялик Даниил Медведевга қарши кортга чиқади.