10 авг 06:51
Янгиликлар

Теннис

Rogers Cup. Свитолинани чорак финалда тўхтатишди

Канаданинг Торонто шаҳрида теннис бўйича “Премьер” тоифасига кирувчи нуфузли турнир давом этмоқда.

Rogers Cup мусобақасининг чорак финал учрашувлари ўтказилиб, ярим финалга йўл олган теннис маликалари маълум бўлди. Сайёрамизнинг еттинчи ракеткаси Элина Свитолина ярим финал остонасида ўз юришини тўхтатишга мажбур бўлди.

Украиналик теннисчи 1 соату 32 дақиқа давом этган чорак финал баҳсида рейтингнинг 29-поғонасидан жой олган америкалик София Кенинга имкониятни бой бериб қўйди - 6/7(2), 4/6. София энди ярим финалда чехиялик Каролина Плишковадан устун келган канадалик Бьянка Андрескуга қарши кортга чиқади.